ANTI-RABIES VACCINATION SA BANWAAN.
Pigsaguibo ngunyan na aldaw nin Huwebes, Marso 7, 2024, an libreng anti- rabies vaccination sa Barangay Camagong kun saen uminabot sa 80 na mga ataman na hayop an nabakunahan, siring man sa Barangay Mananao na ugwa man total na 104 na mga ido asin ikos an nabakunahan katakod kan selebrasyon kan Rabies Awareness Month ngunyan na bulan nin Marso, susog sa ipinaluwas na Executive Order No. 84, s. 1999.
Pigsaguibo ngunyan na aldaw nin Huwebes, Marso 7, 2024, an libreng anti- rabies vaccination sa Barangay Camagong kun saen uminabot sa 80 na mga ataman na hayop an nabakunahan, siring man sa Barangay Mananao na ugwa man total na 104 na mga ido asin ikos an nabakunahan katakod kan selebrasyon kan Rabies Awareness Month ngunyan na bulan nin Marso, susog sa ipinaluwas na Executive Order No. 84, s. 1999.Kan nakaaging semana, naenot naman an pag house-to-house kan Municipal Agriculture Office sa Barangay La Purisima na ugwa man 25 na nabakunahan, asin dugang na 41 sa Barangay San Isidro. Magpapadagos pa an siring na programa kan satong lokal na gobyerno sa masurunod na aldaw.
An Lokal na Gobyerno kan Tinambac sa pamamayo ni Mayor Atty. Ruel Brioso Tuy sa paagi kan satuyang Municipal Agriculture Office, padagos an pag-opresir kan libreng anti-rabies vaccination sa kada barangay para makalikay kita gabos sa peligro na kawsa kan rabies infection.
Para sa iba pang impormasyon manungod sa programang ini kan satong gobyerno lokal, magbisita sana po sa satuyang Municipal Agriculture Office na makukua sa atubangan kan satong munisipyo, Zone 2, Binalay, Tinambac, Camarines Sur, asin hanapon si Sir Joppet Barrameda, an satuyang Agricultural Technologist/Livestock Inspector.
Padagos ta pong pagtarabangan na ilikay an satong komunidad sa peligro kan rabies infection.
