Firefighting Olympics

 

Ginibo ngunyan na aldaw, Mayo 8, 2024 an ika- tulong Firefighting Olympics sa banwaan hatod kan Bureau of Fire Protection-Tinambac Fire Station sa pakikipagtabangan kan Lokal na Gobyerno kan Tinambac bilang parte kan makolor na selebrasyon kan 18th HIMORAGAT FESTIVAL.

 

An Firefighting Olympics: Community Fire Auxiliary Group Inter- Barangay Challenge pinagpartisiparan ngunyan na taon kan Barangay Binalay, Cagliliog, Filarca, Sogod, Sta Cruz, , La Purisima, San Isidro, Salvacion Poblacion, asin San Pascual. An kompetisyon nakasentro sa tibay asin kakayahan kan mga partisipantes sa Hose Throwing, Bucket Relay, Rescue Relay, Downing of Personal Protective Equipment, Target Aiming, Cardio Pulmonary Resuscitation, BLS Bandaging, Bucket Relay, Lifting, Ladder Attack asin Blitz Attack.

 

Mabalos sa inisyatibong ini kan satuyang Bureau of Fire Protection- Tinambac Fire Station sa pamamayo ni Officer- In- Charge SFO3 Damaso L. Boncodin III. Dakulang katabangan an siring na aktibidad sa satuyang mga kahimanwa para mas mapatibay an saindang pagkanuod asin kahandaan sa paglaban asin pagresponde sa kasulo asin iba pang emerhensya sa barangay.

 

Sa paagi kan kompetisyon na ini, naitutulod man an marhay na iribahan asin pagiging isports kan bilog na partisipantes kan matrayumpong 3rd FIREFIGHTING OLYMPICS: COMMUNITY FIRE AUXILIARY INTER- BARANGAY CHALLENGE.

 

I-like asin i-follow an official Facebook page kan Local Government Unit of Tinambac para sa iba pang updates kan 18th Himoragat Festival.