Turn-over Ceremony and Blessing of the New Evacuation Center in Barangay Magtang

 

Ngunyan na aga, Pebrero 15, aldaw nin Huwebes, pinangenotan ni Mayor Atty. Ruel Brioso Tuy an pormal na pag-turnover kan bagong Evacuation Center sa Barangay Magtang na nahaman sa tabang kan Caritas-Caceres-Naga, Fundacion de Religiosos para la Salud (FRS), Cooperacion Española, asin Embajada de España En Filipinas. An edipisyo na enot naman natawan an Barangay Binalay asin Bagacay, maserbing Evacuation Center kan mga residentes orog na sa panahon nin kalamidad.

 

Presente sa okasyon si Rev.Father Marcel Emmanuel DP. Real, Executive Director kan Caritas-Caceres Naga, Mr. Alfonso Nuñez, Philippine Coordinator, Fundacion de Religiosos para la Salud, Municipal Engineer Berlin H. Dimaculangan, Municipal Social Welfare and Development Officer Eric T. Parde, LDRRMO III Romil L. Estolano, RN, dating Punong Barangay Gina T. Bernarte, asin bilog na opisyales kan Barangay Magtang.

Sa ngaran po kan lokal na gobyerno kan Tinambac sa pamamayo ni Mayor Atty.Ruel Brioso Tuy an pagpaabot nin pasasalamat sa Caritas-Caceres Naga, Fundacion de Religiosos para la Salud, Cooperacion Española, asin Embajada de España En Filipinas para sa mga proyektong padagos na itinatao sa banwaan nin Tinambac.

 

𝑴𝒖𝒄𝒉𝒂𝒔 𝒈𝒓𝒂𝒄𝒊𝒂𝒔 𝒑𝒐𝒓 𝒍𝒐𝒔 𝒑𝒓𝒐𝒚𝒆𝒄𝒕𝒐𝒔 𝒆𝒏𝒕𝒓𝒆𝒈𝒂𝒅𝒐𝒔 𝒂𝒍 𝒑𝒖𝒆𝒃𝒍𝒐 𝒅𝒆 𝑻𝒊𝒏𝒂𝒎𝒃𝒂𝒄!